NordfjordTreffet 2026 - Nordfjords største nettverks- og rekrutteringsmesse

Vi kan no med stor glede invitere til NordfjordTreffet 2026, ein heilskapleg møteplass for næringslivet, offentlege aktørar, kompetansemiljø og innbyggjarar i Nordfjord! Årets treff vert arrangert i Bremanger og Svelgen, og byr på eit innhaldsrikt og spanande program for både verksemder, samarbeidspartnarar og publikum.

Foredraget med Dag Otto Lauritzen vart fullbooka 28.03.26 kl . 21:08, så er dessverre ikkje mogleg å melde seg på dette lenger.

Men du er naturlegvis hjartleg velkomen til å delta på NordfjordTreffet i Svelgen Idrettshus frå kl 18:00 - 20:30. Her er absolutt ALLE hjartleleg velkomne.

PÅMELDING GJEST (Gratis for gjestar å delta)

PÅMELDING STANDS (pris pr stand 7900,-)

Programoversikt

kl. 12:00–16:30: Nettverk Nordfjord (Svelgen Samfunnshus)
Ein fagleg og sosial arena for næringslivet, med:

• Omvisning hjå hjørnesteinsbedrifta Elkem Bremanger
• Fagleg påfyll saman med Linda Hovland og Framtidsfylket, med fokus på Employer Branding og Trainee-ordninga

kl. 16:30–17:30: Inspirasjonsforedrag og prisutdeling (Svelgen samfunnshus) FULLBOOKA (oppdatert 28.03.26 kl. 21:08)

• Inspirasjonsforedrag med Dag Otto Lauritzen (Foredraget er gratis og ope for alle etter prinsippet førstemann til mølla - NB 300 plassar, blir det fullt, så er det fullt)
• Utdeling av Nordfjordprisane
   

kl. 18:00–20:30 NordfjordTreffet  – (Svelgen idrettshus)

• Ope arrangement utan aldersgrense og gratis inngang for gjestar
• Om lag 60 verksemder og aktørar med stand
• Ein møteplass der Nordfjord viser fram mangfaldet i regionen, moglegheiter og framtidstru

Dag Otto Lauritzen til NordfjordTreffet

"Alt er mogleg" med Dag Otto Lauritzen

Under NordfjordTreffet 2026 får vi besøk av Dag Otto Lauritzen, ein av Noregs mest folkekjære formidlarar og kjent frå mellom anna Kompani Lauritzen. Dag Otto byr på eit inspirerande og engasjerande foredrag som handlar om vilje, innstilling og evna til å møte motgang.

Med utgangspunkt i eigne erfaringar frå toppidrett, alvorleg skade og eit langt liv i prestasjonsprega miljø, deler han sterke historier om korleis ein kan snu utfordringar til moglegheiter. 

Foredraget tek mellom anna for seg betydninga av fokus, ansvar, lagarbeid og det å aldri gi opp – tema som er like relevante i arbeidslivet som i kvardagen elles.

Dag Otto formidlar med varme, humor og tydeleg bodskap, og treffer eit breitt publikum på tvers av alder og bakgrunn. Perfekt for deg som vil hente inspirasjon til arbeid, leiarskap og vidare satsingar i regionen

Foredraget er gratis og ope for alle (førstemann til mølla- 300 plassar), og inngår i programmet kl. 16:30–17:30 før utdeling av Nordfjordprisane.

Påmelding

PÅMELDING GJEST (Gratis for gjestar å delta)

PÅMELDING STANDS (pris pr stand 7900,-)

NB: Det er "Førstemann til mølla prinsippet" som gjeld til foredraget med Dag Otto Lauritzen (300 plassar). Dersom det er fullt, blir den påmeldinga fjerna frå påmeldingsskjemaet.

Tusen takk til våre hovudsponsorar som mogleggjer at vi kan arrangere NordfjordTreffet:

Sparebank1 Sogn og Fjordane - Sparebanken Norge

Og ikkje minst til Coast Seafood som bidreg med råvarer til NordfjordTreffet og Elkem Bremanger som bidreg til at vi kan hente inn Dag Otto 

Ta kontakt med Inviro om du har nokre spørsmål.