Kontakt oss

Øystein har utdanning innan media og kommunikasjon, men erfaring frå logistikk, salg, forhandlingar og marknadsføring i daglegvarebransjen. I 2017 flytta han og familien tilbake til Nordfjord, og i 2020 vart han tilsett som dagleg leiar i det nystarta selskapet Inviro. Øystein er involvert i smått og stort i både Inviro og StudieHub, og har eit brennande ønskje om å bidra til vekst, lokal verdiskaping og utvikling i Nordfjord. Når Øystein har fri, er det fritids-aktivitetar med borna som står i fokus, ellers er han svært interessert i det meste av sport. Ta gjerne kontakt med Øystein på kva det måtte vere. Tar han ikkje telefonen, så lovar han å ringe tilbake.

Kari har bakgrunn frå utdanningsektoren og har allsidig erfaring innafor ulike funksjonar i grunnskulen, vidaregåande opplæring samt høgare utdanning. Kari er ein utflytta Bodøværing som no bur på Sørstranda i Gloppen kommune. Til dagleg finn du ho på kontoret i Nordfjordeid, eller på ei av Studentstovene i Nordfjord. Kari har mastergrad i spesialpedagogikk. På fritida er Kari er ein ihuga syklist, bakar og frilufts-entusiast. Ta gjerne kontakt med Kari om du har spørsmål knytt til desentraliserte og fleksible utdanningar eller om du veit om behov for kompetansehevingstiltak i vår region.

Arild Hjelmeland har bakgrunn frå elektrobransjen, men har dei siste 20 åra arbeida med innovasjon, kompetanseutvikling og bedriftsutvikling via Nordfjordeid Næringshage (no Inviro). Arild har lang erfaring som prosjektleiar og i Inviro er han ansvarleg for næringshageprogrammet og kursaktivitet. I tillegg er Arild ein svært viktig ressurs på ulike prosjektaktivitetar. På fritida er Arild ein habil golfspelar, ski-entusiast og Nordfjord-patriot. Ta gjerne kontakt med Arild angåande spørsmål om næringshageprogrammet, kursaktivitet, innovasjonsprosjekt eller andre måtar Inviro og Arild kan støtte deg og di bedrift på.

Ove Bjørlo har bakgrunn både som elektroingeniør, samt ei lang karriere både som lærar og rektor ved Eid Vidaregåande Skule. Ove er elles svært engasjert i lokal verdiskaping. Ove har gjennom ei lang karriere vore engasjert i lokalsamfunnet både som politikar, styremedlem, styreleiar i svært mange selskap og ikkje minst innan frivillig-sektor. Ove skulle i teorien gå av med pensjon i 2021, men tre år seinare er han heldigvis framleis i Inviro. Ove nyttar det meste av tida på Nordfjord Smarthus, men er også ansvarleg for fagprøvestasjonane på elektro og automasjon, samt han bidreg som prosjektrådgjevar på ulike aktivitetar i Inviro og StudieHub. Ta kontakt med Ove om du har spørsmål rundt Nordfjord Smarthus eller fagprøvestasjonane.

Meir info kjem.