Våre nettverk

Samarbeid og nettverk gjer oss, og bedriftene i vår region, betre rusta for å løyse utfordringar eller iverksette moglegheiter. Inviro er så heldig at vi har mange gode samarbeidspartnarar, kollegaer og nettverk i heile Vestland

Vekst i lag er eit partnarskap beståande av Stryn Næringshage, Kunnskapsparken Vestland, Sogn Næring, Aksello, Sognefjorden Næringshage, Klar Bedrift og Inviro.

Gjennom Vekst i lag samlar vi all vår kompetanse på ein plass; sånn at du kan velge blant endå fleire tenester, og få ekstra god hjelp med å utvikle bedrifta di.

Inunett er ein partnerskap beståande av sju næringshagar og seks inkubatorar:

Næringshagar: Næringshagen i Ullensvang, Hardanger og Voss næringshage, Stryn NH, Sognefjorden næringshage, Medvind Næringshage, klar bedrift og Inviro.

Inkubatorar: Industriutvikling Vest, VIS - Vestlandets innovasjonsselskap, Aksello, Kunnskapsparken Vestland og StartupLab Bergen.

Inunet har som mål å bidra til auka entreprenørskap og verdiskaping i Vestland gjennom rådgjeving, kompetanseheving og tilrettelegging for forretningsidéar med stort vekstpotensial. Vidare skal prosjektet gje auka kunnskap og samhandling mellom innovasjonsmiljøa. Dette er eit kontinuerleg arbeid for å utvikle samarbeidsløysingar rundt felles målsetjingar i Vestland. Målet er å styrke miljøa ved å nytte kvarandre sin spisskompetanse, dele denne og skape nye synergiar gjennom forpliktande samarbeid. Ressursane vert utnytta til felles beste på regionalt nivå.

Det er avgjerande at innovasjonsmiljøet i Vestland er oppdatert på kvarandre sine bedrifter/miljø/kompetanse. Gjennom utvikling av felles møteplassar, utvikling av samarbeidsmodellar og felles læring, vil medlemmane bli betre kjende med kvarandre sine utfordringar og kvalitetar, og dermed kunne dele erfaringar og løysingar. Eit samarbeid prega av dialog og fokus på bedriftscase vil heve standarden og henvisningskompetansen til heile innovasjonsmiljøet i regionen.

Green Innovation Network (GIN) er eit lokalt bedriftsnettverk i Nordfjord, beståande av bedriftene Nordplan AS, Segel AS, og Inviro AS. I fellesskap tilbyr vi tverrfagleg kompetanse relatert til grøne løysingar.

Målsettinga

Kompetanseutvikling i næringslivet, skal føre til grøn næringsutvikling og berekraftig innovasjon i Nordre del av Vestland

Tenestene nettverket leverer er:

Green Innovation programmet
Rådgivingstenester
Kurs og kompetanseheving

Kvifor Green Innovation Network?

Å integrere berekraft i forretningsstrategiar og operasjonar kan vere komplekst og krevje spesialisert kunnskap, og mange bedrifter treng hjelp med berekraft av fleire grunnar. Her er nokre måtar bedrifter kan trenge hjelp på:

1: Ekspertise og rådgjeving:

Berekraftig utvikling krev kunnskap om miljøpåverknad, sosiale faktorar og styring (ESG). Mange bedrifter søkjer hjelp frå konsulentar og ekspertar som kan gi innsikt og rettleiing om beste praksis, berekraftsrapportering og overhalding av reguleringar.

2: Teknologiske løysingar:

Implementering av berekraftige løysingar kan krevje avansert teknologi. Bedrifter kan trenge hjelp med å identifisere, integrere og bruke teknologiske verktøy som fremjar energieffektivitet, reduserer avfall og optimaliserer ressursbruk.

3: Regulatoriske krav:

Berekraftsrelaterte lover og reguleringar kan vere komplekse og variere frå region til region. Bedrifter kan trenge juridisk rådgjeving for å sikre at dei overheld desse krava og unngår potensielle bøter og juridiske problem.

4: Rapportering og sertifisering:

Mange bedrifter treng hjelp med å utarbeide berekraftsrapportar som tilfredsstiller internasjonale standardar som GRI (Global Reporting Initiative) eller andre ESG-rammeverk. Sertifiseringar som ISO 14001 (miljøstyring) kan òg krevje ekstern bistand.

5: Opplæring og utvikling:

For å implementere berekraftige praksisar effektivt, kan bedrifter trenge å utdanne og trene sine tilsette. Dette kan inkludere alt frå bevisstgjering om miljøpåverknad til spesifikk opplæring i nye, berekraftige arbeidsmetodar.

6: Strategisk planlegging:

Integrering av berekraft i forretningsstrategien krev langsiktig planlegging og måling av framgang. Konsulentar og rådgjevarar kan hjelpe med å utvikle strategiske planar som sikrar at berekraftige mål blir ein integrert del av bedrifta sine overordna målsetjingar.

7: Samarbeid og partnarskap:

Ofte er samarbeid med andre bedrifter, organisasjonar og styresmakter nødvendig for å oppnå berekraftsmål. Ekstern hjelp kan lette desse samarbeida og sikre at dei er effektive og fordelaktige.

8: Kommunikasjon og marknadsføring:

Bedrifter må òg kommunisere sine berekraftsinitiativ effektivt til kundar, investorar og andre interessentar. Hjelp med marknadsføring og kommunikasjon kan vere avgjerande for å bygge og oppretthalde eit positivt omdømme.

GIN ønskjer å hjelpe bedrifter med ikkje berre oppfylle sine berekraftsmål meir effektivt, men òg oppnå konkurransefortrinn og sikre langsiktig suksess i ein stadig meir berekraftsfokusert marknad

Les meir om GIN her

Nordfjord Nettverka

Trekløveret

Nordfjordkompaniet (tidlegare Nordfjord Opplæringskontor og Nordfjordakademiet) og Inviro er aktørar som alle arbeider for eit sterkare Nordfjord og som har nedslagsfelt på våre tenester og aktivitetar i alle fem kommunane i regionen. Sjølv om vi har nokre ulike satsingsområder og har mange prosjekt kvar for oss, så samarbeider vi også på mange av aktivitetane vi gjennomfører.

Alle har ei målsetting om å gjere Nordfjord til ein endå betre stad å bu, arbeide og leve, og dette er eit strålande utgangspunkt for eit godt samarbeid.

Trekløveret — Øystein Nes (Inviro), Tonje Bjerkan og Tom-Øyvind Solheim (Nordfjordkompaniet)

Lokale vekstselskap og næringsorganisasjonar

I Nordfjord er vi så heldige at vi er mange aktørar som arbeider for at Nordfjord skal ha det beste private og offentlege næringslivet. Gloppen næringsorganisasjon, Stryn Næringssamskipnad, Bremanger Næringsråd, Stad Vekst og Måløy Vekst er alle aktørar Inviro samarbeider på ulike prosjekt og aktivitetar.

Kontakt oss

Snakk med oss om samarbeid og nettverk!
Vi ser på moglegheitene saman.

Kom i kontakt

Opp