Nordfjordtreffet
Historia
I perioden 2010 - 2018 vart det arrangert eit rekrutteringstreff i Stad kommune under namnet "Påsketreffet". Etter nokre år utan eit treff som dette, bestemde vi i Inviro oss for at dette var eit konsept vi ønskja å få på beina igjen, og samstundes sette vårt eige preg på det. NordfjordTreffet vart ein realitet i 2022. Dei største endringane vi valde å gjere var for det første å rullere treffet mellom alle kommunane i Nordfjord. For det andre auka vi nedslagsfeltet til heile Nordfjord. Og for det tredje så utvida vi konseptet til å vere både ein nettverkstreff og ei rekrutteringsmesse.
Premiere
I 2022 arrangerte vi det første NordfjordTreffet i Operahuset Nordfjord. Sidan den gang har vi arrangert det i ein industri hall i Stryn hjå bedrifta Nomek og seinast i år i Firdahallen i Gloppen.
I snitt desse tre åra har vi vore 60 stands-deltakarar og mellom 4-500 gjestar innom.
Nettverk og rekruttering
I dag er NordfjordTreffet blitt ein viktig dag både for nettverksbygging og rekruttering. Og kvart einaste år har vi fått tilbakemeldingar på bedrifter som "har funnet saman" og personar som har funnet sin nye arbeidsgivar på treffet. Men NordfjordTreffet er ikkje statisk, og utviklar seg år for år basert på tilbakemeldingar frå gjestar og stands.
Vi rundar Nordfjord
I 2025 blir NordfjordTreffet arrangert i Kinn kommune (Måløy) og i 2026 skal vi til Bremanger. Det blir stas!
Samarbeidspartnarar
Som prosjektleiar/eigar har NordfjordTreffet blitt ein viktig del av jobben vår i Inviro. Men vi hadde ikkje klart dette åleine. Den faste prosjektgruppa består av Tonje Bjerkan frå Nordfjordkompaniet Jenny Staalnacke frå Stryn Næringshage, Elisabeth Hatlenes frå Samarbeid i Nordfjord, samt at vi årleg invitera inn vekstselskapet i kommuna der treffet blir arrangert.
Sponsorar
Vi har to fantastiske samarbeidspartnarar og sponsorar i Sparebanken Vest og Sparebanken Sogn og Fjordane.
Nordfjordkonferansen
Nordfjordkonferansen vart arrangert for første gong i Operahuset Nordfjord på Nordfjordeid i 2024, og vi er no i gang med planlegginga av konferansen for 2025.
Nordfjordkonferansen er ein møteplass, inspirasjonsarena og ein næringskonferanse som bidreg til eit berekraftig næringsliv på tvers av offentleg og privat sektor, framtidige arbeidstakarar / arbeidsgivarar i Nordfjord og mellom ulike bransjar og næringar.
Årleg skal vi ha foredragshaldarar knytt til nasjonale og regionale tematikkar, men hovudfokuset og vekta på foredragshaldarar skal vere frå Nordfjord og på folka som bur, leve og arbeida her.
Målsettinga er at vi gjennom Nordfjordkonferansen saman styrkjer regionens posisjon og identitet.
Samarbeidspartnarar til Nordfjordkonferansen er: Vestland fylkeskommune, Stad kommune, Stryn Kommune, Gloppen kommune, Bremanger kommune og Kinn kommune.
Hovudsponsor er Sparebanken Sogn & Fjordane
First Lego League
Kva er First Lego League?
FLL er verdens største kunnskaps- og teknologikonkurranse for barn og unge og arrangerast i over 110 land i heile verden og i Norge er det ca. 35 arrangørar og 15.000 born og unge som årleg deltek.
FLL har til hensikt å fremme interessa for realfag og teknologi hos born og unge i alderen 4-16 år (På FLL i Nordfjord og Sunnfjord fokuserer vi på FLL Challenge som er frå 10-16år, og i all hovudsak for ungdomsskular).
Gjennom 8-10 veker får barna/ungdommen oppleve ei praktisk tilnærming til realfag og teknologi
- Dei får designe og programmere en LEGO®-robot til å løyse utfordingar.
- Dei får forske på ein eigenvalt problemstilling som dei vaksne ikkje sitt på svaret på.
- Dei får vise fram arbeidet dei har lagt ned på turneringsdagen, der dei også møter andre lag som har arbeida med same tema og problemstillingar.
Davik Skule. Vinnarar av FLL 2023
Samarbeidspartnarar og sponsorar:
Prosjektleinga av First Lego League er eit samarbeidsprosjekt mellom Eid Vidaregåande skule og Inviro.
Men, det er mange som ønskjer å vere med å bidra til at born og unge får moglegheit til å vere med på FLL: Sparebankstiftinga Sogn og Fjordane, Sparebanken Sogn og Fjordane, Sparebanken Vest, Equinor, Tekna, Eid Elektro, Nordfjordkompaniet, Coast Seafood, Paneda, Stryvo, Enivest, Convene og Åsen og Øvrelid AS. Alle desse bidreg med både støtte og tid for at vi skal få gjennomført dette arrangementet.
I tillegg er det ca 20 dommarar kvart år som stiller opp på dugnad på sjølve gjennomføringsdagen av FLL.
Fagsamlingsdagen
Inviro og NHO Elektro (tidlegare Nelfo Sogn og Fjordane) arrangerer årleg ein fagsamlingsdag for elektro, automasjon, teknologi og bygg miljøet i Nordfjord, i Operahuset Nordfjord. I snitt har det delteke 200 personar på fagsamlingsdagen, men potensialet er framleis stort både med tanke på bedrifter og personar.
Bakgrunn
Elektro og automasjonsmiljøet i Nordfjord, er i nasjonal skala stort og svært kompetent. Fleire av bedriftene i dette nettverket arbeider i dag både nasjonalt og internasjonalt. Men, nettverket mellom dei ulike aktørane må likevel utviklast og vedlikehaldast og kompetanseheving er svært viktig for nettverket.
Det er her Inviro og NHO Elektro skal vere aktørane som legg til rette for møteplassar og kompetanseutvikling på akkurat dette via fagsamlingsdagen.
Utvikling
Fagsamlingsdagen har utvikla seg kvart år sidan arrangementet vart gjennomført i 2021, og i 2024 skal det for fyrste gong gå over to dagar, der fyrste dagen skal handle om rekruttering og "jenter og teknologi" medan dag to blir sjølve fagsamlingsdagen for teknisk personell.
Program
Programmet variera frå år til år, men det er to faste kurs ein kan gjennomføre denne dagen. FSE (Forskrift om sikkerheit ved arbeid i og drift av elektriske anlegg) og førstehjelpskurs. I tillegg til dette har ein også på programmet aktuelle tema, forelesarar eller kurs.
På fagsamlingsdagen er det også ca. 20 nasjonale leverandørar, via Onninen (og tidlegare Elektroskandia) som gjennomfører ei messe i foajeen til Operahuset der dei viser fram produkt, nye løysingar og tenester/produkt
Nettverk
Ein viktig del av fagsamlingsdagen er nettverksbygging mellom aktørar frå heile Nordfjord. Sjølv om ein på nokre områder kan vere konkurrentar, er det også mange samarbeidsmoglegheiter, og det å knyte nettverk i dette sterke miljøet i Nordfjord, er difor svært viktig.
