Nordfjordkonferansen - "Eit sterkt Nordfjord - for ei sterk framtid" blir i år arrangert i Operahuset Nordfjord 06.05.24.
06.05.2025
08:30 - 15:30
Operahuset Nordfjord
Nordfjordkonferansen i Operahuset Nordfjord 2025 nærmar seg, og i år står temaet "Eit sterkt Nordfjord – for ei sterk framtid" i sentrum.
Konferansen er ein viktig møteplass for næringslivet, offentleg sektor og personar som ønskjer å bidra til vidare vekst og utvikling i regionen.
Årets konferanse samlar eit breitt spekter av regionale og nasjonale foredragshaldarar, som vil belyse moglegheitene og utfordringane Nordfjord står ovanfor.
Trygve Slagsvold Vedum er ein engasjert og folkekjær politikar med ei sterk stemme for norsk distriktspolitikk, næringsutvikling og landbruk.
Trygve har som leiar for Senterpartiet og med bakgrunn som finansminister lang erfaring med å navigere politiske prosessar og finne praktiske løysingar for folk og næringsliv.
Vedum er kjend for sin folkelege stil, gode humør og evne til å gjere kompliserte tema forståelege for alle.
Tema: Berekraftig vekst i distrikts-Noreg
Bård Sandal er direktør for innovasjon, plan og næring i Vestland fylkeskommune og ein leiande aktør innan regional utvikling.
Med brei erfaring frå offentleg forvaltning og næringsliv arbeider Bård målretta for å styrkje vekst og innovasjon i fylket.
Bård er spesielt opptatt av berekraftige løysingar og samarbeid som legg grunnlaget for framtidas Vestland. Med innsikt og visjon er Bård ein viktig bidragsytar til å forme regionen vår.
Tema: Korleis lukkast Vestland og Nordfjord
Knut Vareide er seniorforskar ved Telemarksforsking og ein av Noregs fremste ekspertar på regional utvikling og samfunnsanalyse.
Gjennom omfattande forsking og innsikt har han bidrege til å styrkje forståinga av korleis næringsliv, busetnad og demografi påverkar utviklinga i norske regionar.
Knut er ein etterspurt foredragshaldar og rådgivar, kjent for si evne til å omsetje kompleks forsking til konkrete løysingar for lokalsamfunn og næringsliv.
Tema: Regional utvikling i Nordfjord
Mats Grimæth var ein 16-åring som vart mobba på skulen. Han hadde få vener og følte seg aldri bra nok, kul nok eller at han dugde til noko som helst. Det verka umogleg å snakke med nokon, og Mats fekk det så vanskeleg i livet at han tenkte på å avslutte det sjølv.
Men så fann han to ting: ein seglbåt og eit kamera.
Tre år seinare var Mats historiens yngste ekspedisjonsleiar på Svalbard, verdskjend fotograf og ei viktig stemme i samfunnsdebatten om psykisk helse.
Tema: Moglegheiter og psykisk helse
Svein Ørjasæter er dagleg leiar for Lodgen Stryn, eit unikt senter for reiseliv og opplevingar i hjartet av Stryn og Nordfjord.
Med eit sterkt engasjement for natur, aktivitet og berekraftig turisme, har Svein og kona Heidi vore sentral i å utvikle Lodgen Stryn til ein møteplass for eventyrlystne frå heile verda.
Dei brenn for å skape opplevingar som set både menneske og natur i sentrum, og har gjort Lodgen til ein viktig aktør i reiselivet på i Nordfjord.
Tema: Grunderskap og lidenskap
Kristian Lundebrekke tok over som dagleg leiar ved Måløy Verft i 2018, berre 23 år gammal.
Under hans leiing har verftet levert fem nybygg på fem år, noko som vitnar om hans evne til å drive effektivt og målretta, og Lundebrekke har styrka verftet si posisjon i den maritime industrien.
Kristina er kjend for sitt engasjement for lokal verdiskaping og innovasjon i skipsbyggingssektoren.
Tema: Unike moglegheiter på bygda
Eli Førde Aarskog er dagleg leiar for Sagastad, eit nasjonalt kunnskapssenter for vikingtida, på Nordfjordeid.
Med eit sterkt engasjement for å formidle historie og kulturarv, har Eli vore sentral i utviklinga av Sagastad som eit levande formidlingssenter og turistmål.
Eli brenn for å skape opplevingar som engasjerer, inspirerer og set Nordfjordeid og Nordfjord på kartet, både nasjonalt og internasjonalt.
Tema: Reiseliv i Nordfjord
Hroar Holm Carlsen er ein erfaren leiar i norsk industri, og er nytilsett som verksdirektør på Elkem i Bremanger.
Elkem Bremanger er sjølve definisjonen på ei hjørnesteinsbedrift, og har sidan 1905 hatt aktivitet i Svelgen i Bremanger.
I dag er det i overkant av 250 personar som har sitt dagleg verke på verket, men i likskap med fleire andre kommunar i Nordfjord, har ein utfordringar med rekrutting og kompetanse.
Tema: Rekruttering og kompetanse i ein distriktsregion
Linda Hovland er dagleg leiar i Framtidsfylket og ein engasjert pådrivar for vekst og utvikling i heile fylket.
Med solid erfaring innan regional utvikling og rekruttering har ho vore med på å skape unike moglegheiter for bedrifter, studentar og arbeidssøkjarar, og er ei viktig stemme for å byggje attraktive og berekraftige lokalsamfunn i regionen.
På scena vil Linda, saman med ein trainee, ha eit særleg fokus på trainee-ordninga.
Tema: Korleis skape attraktive arbeidsplassar
Lars Endre Gimmestad har sidan 2017 vore tilsett ved det norske skipsverftet Brødrene Aa der han har hatt ulike roller og ansvarsområde. Han er i dag CFO.
Brødrene Aa er kjend for si satsing på berekraftige løysingar og utvikling av nye konsept innan hurtigbåt og sightseeing, noko som har medverka til å halde Brødrene Aa konkurransedyktig i ein krevjande bransje.
Tema: Banebrytande innovasjon for utvikling
Alfred Bjørlo er ein engasjert og tydeleg politikar frå Venstre, kjend for sitt sterke engasjement for næringsutvikling, distrikta og grøn omstilling.
Han er oppvaksen på Nordfjordeid og har ein bakgrunn innan biologi frå Universitetet i Bergen. Med si jordnære og direkte tilnærming har han vore ein synleg leiar, først som ordførar i Eid og Stad kommune, og seinare som stortingsrepresentant.
Alfred er kjent for å vere uredd, løysingsorientert og ein forkjempar for småbedrifter og lokalsamfunn. No sit han i Næringskomiteen på Stortinget, der han jobbar for å styrke norsk næringsliv, spesielt i distrikta.
Erling Sande er ein tydeleg og folkeleg politikar frå Senterpartiet, med eit sterkt hjarte for distrikts-Noreg.
Han kjem frå Bremanger og bur no i Gloppen. Han har lang erfaring både lokalt og nasjonalt, og er kjend for sitt arbeid med samferdsel, kommunalpolitikk og næringsutvikling, og han har ein praktisk og resultatorientert tilnærming til politikken.
Med si tydelege stemme for distrikta har han vore ein viktig pådrivar for gode rammevilkår for næringsliv og lokalsamfunn utanfor dei store byane. No sit han på Stortinget, der han er leiar for næringskomiteen.
Olve Grotle er ein erfaren og dedikert politikar frå Høgre, kjend for sitt engasjement for lokalpolitikk og samfunnsutvikling.
Han kjem frå Bremanger og har ei solid bakgrunn som jurist, med utdanning frå Universitetet i Bergen. Olve har lang erfaring som advokat, men valde å gå inn i politikken for å bidra til positiv utvikling i lokalsamfunnet. Han har vore ordførar i både Førde- og Sunnfjord kommune, der han har arbeidd for å styrke tenestetilbodet og leggje til rette for næringslivet.
Som stortingsrepresentant for Sogn og Fjordane sit han no i Næringskomiteen, der han jobbar for å fremje gode rammevilkår for norsk næringsliv og sikre berekraftig vekst.
Torbjørn Vereide er ein engasjert og samfunnsorientert politikar frå Arbeidarpartiet, kjend for sitt sterke engasjement for fellesskap og solidaritet.
Han kjem frå Gloppen i Sogn og Fjordane og har bakgrunn som sjølvstendig næringsdrivande og tilsett i LO Vestland. Vereide har vore aktiv i politikken sidan ungdomsåra og har hatt fleire verv innan Arbeidarpartiet og AUF. . Han overlevde terroråtaket på Utøya i 2011, noko som har prega hans politiske engasjement
I 2019 vart han vald inn i Vestland fylkesting, og ved stortingsvalet i 2021 vart han vald som representant for Sogn og Fjordane. På Stortinget sit han i Arbeids- og sosialkomiteen, der han arbeider for å styrke velferdsstaten og sikre gode arbeidsvilkår for alle.
Sist oppdatert:
14.11.2024
Opp
