Leiarutvikling i fjorden 2026/2027 - Datoar er satt og påmelding opna

Utvikling, refleksjon og inspirasjon for leiarar i endring
Etter to svært vellukka gjennomføringar (4,7 av 5 i deltakarvurdering) med 40 deltakarar som har gjennomført, opnar vi no for tredje kull i Leiarutvikling i Fjorden.

Behovet er tydeleg: Leiarar i Nordfjord står i aukande krav til endring, medarbeidaroppfølging og arbeidsmiljø. Dette programmet gir deg verktøy, refleksjon og trening i å handtere nettopp dette – i ein regional kontekst.

Gjennom fem samlingar blir du ført gjennom sentrale tema av organisasjonspsykolog Sindre Storvoll. Du får:

• konkrete verktøy du kan bruke i eigen kvardag
• strukturert refleksjon rundt eiga leiarrolle
• erfaringsutveksling med andre leiarar i regionen

Maks 20 deltakarar gir ei trygg og aktiv ramme.

Om Sindre

Sindre Storvoll er psykologspesialist med brei erfaring innan organisasjon, leiing og arbeidsmiljø. Han arbeider dagleg med å utvikle leiarar og team, og er kjend for ei praktisk og utfordrande tilnærming til leiarutvikling.

Datoar og tema:

Samling 1, 22. oktober – Kommunikasjon
Korleis fange opp når medarbeidarar slit?

Samling 2, 26. november  – Stress
Kvifor er det så vanskeleg å setje grenser?

Samling 3, 28. januar  – Konflikt
Uønska hendingar. Kor går grensa for kva som er akseptabelt?

Samling 4, 11. mars  – Arbeidsmiljø
Kva skapar faktisk gode arbeidsmiljø?

Samling 5, 20 mai – Leiarrolla
Kven er du som leiar – og kvifor?

Praktisk informasjon:

• Stad: Stokkenes Gard, Nordfjordeid
• Tid: Kl. 09:00–15:00 alle dagar (lunsj inkludert)
• Påmelding: Heile programmet eller enkeltdagar
• Plassane blir tildelt etter «først til mølla»-prinsippet

Pris:

• Enkeltkurs: 3.190,-
• Heile kursrekka, 5 samlingar: 14.355,- (10% rabatt)

Påmeldingsfrist er ei veke før alle oppsette kursa. (Ved avbestilling etter vekesfristen, fakturerast 50% av kostnaden per deltakar. Dersom ein ikkje møter på kursdagen, fakturerast 100%)

Ikkje berre ei kursrekke – det er inngangen til eit leiarnettverk i Nordfjord.

Deltakarar blir ein del av Nettverk Nordfjord – Leiarar, med årleg fagleg samling (lunsj–til–lunsj). Første samling er planlagt hausten 2026 i Kalvåg.