Leiarutvikling i fjorden - kursdel 1/5: Kommunikasjon - I gode og vonde arbeidsdagar.
Inviro og Stryn NH i samarbeid med leiar og organisasjonspsykolog Sindre Storvoll invitera til eit kursprogram over fem delar der Sindre og deltakarane vil utforske sentrale og krevjande tema for leiarrolla.
Leiarutvikling i fjorden - kursdel 1/5: Kommunikasjon - I gode og vonde arbeidsdagar.
Fotograf: Ingar Sørensen
Bakgrunn
Arbeidslivet og dermed leiarrolla er i kontinuerleg endring. Fast står behovet for å utvikle seg som leiar. Og i Nordfjord opplever vi stor etterspurnad etter kompetanseheving, både blant erfarne og ferske leiarar.
Gjennom eit kursprogram i fem delar, vil leiar og spesialist i organisasjonspsykologi, Sindre Storvoll, utforske sentrale og krevjande tema for leiarrolla. Storvoll si tilnærming handlar om å utfordre, utvikle og utruste leiarar.
Om Sindre
Sindre Storvoll er fødd nysgjerrig, trur menneske er skapte verdifulle, og drivast av å betre tilværa til andre. Psykologspesialisten har brei erfaring innan organisasjon, leiing og bedriftshelse i dei fleste psykososiale og organisatoriske sjatteringar. I kvardagen rettleier, underviser og støttar han leiarar og medarbeidarar, individ og grupper. Med tastaturet eller på scena er det ingen ulempe å være utdanna journalist og medievitar frå før. Nordlendingen flytta til Sandane med familien sin i 2022.
Kursprogram
28.11.24: STRESS - NÅR DET VERT FOR MYKJE AV DET GODE - Kvifor er det vanskeleg å seie nei?
30.01.25: KONFLIKT - HANDTERING OG FOREBYGGING AV UØNSKA HENDINGAR - Kor går grensa for kva som er akseptabelt?
13.03.25: ARBEIDSMILJØ - EIN BALANSEKUNST FOR LEIARAR - Kva gjer faktisk arbeidsmiljøet godt?
15.05.25: LEIARROLLA - KORLEIS OG KVIFOR DU LEIAR - Kven er du som leiar - eigentleg?
Gjennomført:
21.10.24: KOMMUNIKASJON - I GODE OG VONDE ARBEIDSDAGAR - Korleis veit du at ein medarbeidar slit?
Det er tilrådd å melde seg på heile kursrekka, men det er også mogleg å delta på enkeltdagar.
Kursa vil finne stad frå kl. 09:00 til 15:00 på dei fire datoane i "Gymmen"på Nordfjordeid ved Operahuset Nordfjord / Eid Vidaregåande skule
For å sikre ei trygg og dynamisk setting, er det ei avgrensing på 20 deltakarar per kurs, og vi anbefalar også bedrifter å stille med to personar frå kvar bedrift.
Påmeldingsfrist 21.11.24 for dei fire resterande kursa (Heile pakken - 10% rabatt) eller for kursprogrammet "Stress" 28.11.24. ((Ved avbestilling etter 21.11.2024 fakturerast 50% av kostnaden per deltakar. Dersom ein ikkje møter på kursdagen, fakturerast 100%)
