Kurs i presentasjonsteknikk

I dette kurset får du praktiske tips og enkle verktøy for å lage gode presentasjonar i PowerPoint og for å gjennomføre sjølve framføringa på ein trygg og engasjerande måte.

Kurset tek for seg:
•    Korleis du byggjer opp ein presentasjon med tydeleg bodskap og struktur
•    Bruk av bilete, fargar og grafiske element for å forsterke innhaldet
•    Korleis du unngår dei vanlege PowerPoint-fellene
•    Retoriske verkemiddel og kroppsspråk i presentasjonssituasjonar
 

Læringsutbytte:

Etter kurset vil du sitje att med nyttige råd og inspirasjon til å lage presentasjonar som treff, engasjerer og blir hugsa, samtidig som du lærer korleis du kan handtere nervøsitet og spørsmål frå salen på ein trygg måte.

Om kurshaldar: 
Kari Eldby Rygg har mastergrad i spesialpedagogikk og har vore studiesenterleiar sidan oppstarten av StudieHub i 2023. Ho har ein solid bakgrunn frå utdanningssektoren, med brei erfaring frå undervisning, leiing og fagutvikling i grunnskule, vidaregåande opplæring og høgare utdanning.
Gjennom mange år som lærar og formidlar har Kari utvikla eit særleg engasjement for korleis ein når fram med bodskap - både i klasserom og i offentlege samanhengar. 

Kari er opptatt av korleis ein kan bruke struktur, aktive læringsformar, teknologi, språk, bilete og kroppsspråk til å skape formidling som verkeleg treff. 

Kari har allereie gjennomført kurset for over 30 deltakarar i Molde med svært gode tilbakemeldingar.

Praktisk informasjon:

• Dato: 25. februar 2026
• Klokkeslett: 13.00 – 15:30
• Lokasjon: Stokkenes Gjestegård
• Pris: 1490,-
• Påmeldingsfrist: 18.02.26 (Ved avbestilling etter 18.02.2026 fakturerast 50% av kostnaden per deltakar. Dersom ein ikkje møter på kursdagen, fakturerast 100%)
• Kurshaldar: Kari Eldby Rygg, fra StudieHub - Fjordane Studiesenter