BIM i praksis - Innføring, samhandling og bruk i prosjekt

Dette kurset gir deg ei grunnleggjande forståing av BIM, modelleringsverktøy og korleis digitale modellar kan bidra til betre samhandling i prosjekt. 

Kurset passar både for deg som er ny i BIM, og for deg som allereie har arbeidd med BIM ei stund, men som ønskjer betre oversikt, fagleg påfyll og auka forståing for korleis BIM kan brukast meir effektivt i prosjekt og organisasjonar. 

Om kurset 

BIM (bygningsinformasjonsmodellering) er ein sentral metode i moderne planlegging, prosjektering og gjennomføring av byggjeprosjekt. I dette kurset får du ei praktisk innføring i kva BIM er, korleis det blir brukt i prosjekt, og korleis ulike digitale verktøy og teknologiar kan bidra til betre kommunikasjon, planlegging og kvalitet i byggjeprosessar. 

Kurset kombinerer teori, demonstrasjonar og praktiske døme frå bransjen. 

Kurshaldar

Kjetil Sunde, dagleg leiar i Fjordane Engineering AS. 

Sunde har lang erfaring med utvikling av tekniske løysingar og spesialmaskiner til mellom anna oppdrett, prosessindustri og olje- og gassnæringa. 

Som kursholdar kombinerer Kjetil brei bransjeerfaring med pedagogisk kompetanse, og har bakgrunn som fagskulelærar samt praktisk-pedagogisk utdanning frå Høgskulen på Vestlandet. 

Målgruppe 

Kurset passar for personar som arbeider innan bygg, anlegg eller tekniske fag, til dømes innan: 

• bygg og anlegg
• elektro
• mekaniske fag
• prosjektering eller prosjektleiing 

Det er ein fordel at deltakarane har grunnleggjande fagkunnskap innan ei byggjedisiplin og generelle dataferdigheiter. 

Kursinnhald 

Kurset gir ei innføring i sentrale tema innan BIM, mellom anna: 

• Kva BIM er, og korleis BIM kan brukast i eigen organisasjon
• Kjennskap til modelleringsverktøy og vising/redigering av 3D-modellar
• Visualisering og ulike filformat
• Kommunikasjon og samhandling i BIM-prosjekt
• Avvikshandtering og bruk av BIM i anbod og anskaffingar
• Data management: informasjonsflyt, filhandtering og dokumenthandtering
• AR/VR-teknologi i byggjeprosjekt
• 3D-skanning og bruk av skanning i prosjekt
• Orientering om relevante programvarer og teknologiar 

Kursbevis 

Alle deltakarar får kursbevis etter gjennomført kurs. 

Praktisk informasjon:

• Dato: 21.04.26
• Kl.: 09:00 - 15:30
• Stad: Stokkenes Gjestgard (Stokkenesveien 20, 6770 Nordfjordeid)
• Pris: 5650,- per deltakar

Påmeldingsfrist 14.04.26   (Ved avbestilling etter 14.04.26 fakturerast 50% av kostnaden per deltakar. Dersom ein ikkje møter på kursdagen, fakturerast 100%)

Atterhald om gjennomføring av kurs
Inviro AS tek atterhald om tilstrekkeleg tal på deltakarar for å gjennomføre kurset. Dersom det ikkje er nok påmelde innan påmeldingsfristen, kan kurset bli avlyst eller utsett. Påmelde deltakarar vil i så fall få beskjed så snart som mogleg, og eventuell kursavgift vil bli refundert i sin heilskap.