"Saman er vi sterkare"
Det er no snart to år sidan Inviro og StudieHub fekk offisiell status som det fyrste studiesenteret i Vestland. Og på kort tid er vi no blitt fire med HVK studiesenter, Studiesenteret Kysten og Sogn Kompetansen.
Saman dekkkjer vi 25 kommunar og ca. 140.000 personar.
På den fyrste felles-samlinga for Studiesentera hjå Vestland fylkeskommune i forrige veke, vart Studiesentera einige om å etablere stukturen SIV (Studiesentera i Vestland).
Samarbeidet vil bestå av erfaring- og kompetanseutveksling, samarbeid om utdanningar, felles avtalar med høgare utdanningsinstitusjonar, studieturar m.m.
Dette var to svært gode dagar som vil styrkje StudieHub og rolla vår i Nordfjord og Sunnfjord som kompetansetilbydar.
