Eit høgdepunkt i år har vore Nordfjordkonferansen, som blei arrangert for første gong i 2024. Konferansen samla aktørar frå offentleg og privat sektor for å diskutere berekraftig næringsutvikling og samarbeid mellom bransjar. Vårt mål er å byggje ein årleg plattform som både inspirerer og styrker samarbeid på tvers av næringar, noko som bidreg til å styrke Nordfjord sin identitet og posisjon.
StudieHub har etablert seg som ein viktig aktør for desentralisert utdanning i Nordfjord og Sunnfjord. Sidan lanseringa i 2022 har StudieHub blitt ein sentral ressurs for lokal kompetanseutvikling, der vi tilpassar tilbodet for å møte dei konkrete behova i regionen. Med fokus på fleksibilitet har vi gitt fleire tilgang til vidareutdanning medan dei er i arbeid, noko som styrker arbeidsstyrken og tilpassar seg regionale utviklingstendensar.
NordfjordTreffet har utvikla seg til å bli ein viktig nettverks- og rekrutteringsarena for bedrifter, gjestar, kommunar og organisasjonar i heile regionen. Tilbakemeldingar synar at NT har blitt ein arena for samarbeid, der deltakarar frå ulike sektorar kan utveksle idear, diskutere felles utfordringar og sjå på moglegheitene for regional utvikling. Med høgt oppmøte og engasjerte bedrifter er NordfjordTreffet vore eit godt eksempel på vårt engasjement for å knyte næringslivet i regionen tettare saman.
Vi har også fått til ein fantastisk start med First Lego League (FLL) takka vere gode samarbeidspartnarar i regionen. FLL er eit initiativ som involverer born og ungdom i teknologi og realfag. I samarbeid med lokale skular og sponsorar har FLL engasjert mange unge, noko som på sikt vil styrke interessa for teknologifag og auke framtidig kompetanse i regionen. Dette prosjektet viser korleis vi i Inviro jobbar langsiktig for å byggje opp kunnskap og interesse for teknologi blant dei kommande generasjonane
Inviro har satt i gang ei rekke kurs og kompetansehevande aktivitetar. Våre kurs samlar lokale aktørar til praktiske og teoribaserte opplegg, noko som har vore særs viktig for å styrke kompetansen lokalt og halde regionen oppdatert på utviklinga innan relevante fagfelt. Desse kursa har vore ettertrakta og har samla brei deltaking frå både offentleg og privat sektor, noko som viser eit sterkt lokalt behov og ein vilje til å investere i kunnskap og ferdigheiter.
Som ei vidareutvikling av kursaktiviteten vår, har vi det siste året arbeida med prosjektet Kompetanse i Fjordane. Dette blir sentralt for Inviro sitt arbeid med kompetanseheving i Nordfjord og andre kommunar både i Nord og Sør. Dette prosjektet er retta mot å møte både kortsiktige og langsiktige behov for kompetanse i regionen og har fått brei støtte frå både offentlege og private aktørar. Gjennom Kompetanse i Fjordane skal Inviro tilrettelegge for ei rekke kurs og seminar som svarer på spesifikke behov i både privat og offentleg sektor.
Nordfjord Smarthus er snart ferdigstilt, og er eit spennande prosjekt der elevar frå vidaregåande skular i Nordfjord har stått for bygginga, i tett samarbeid med Inviro og lokale samarbeidspartnarar. Som eigar, prosjektleiar og byggherre har Inviro lagt til rette for at ungdommane har fått praktisk erfaring med moderne byggjeteknologi og ein tverrfagleg kompetanse. Huset er utstyrt med avanserte system for energistyring og automatisering, og fungerer som eit læringsverkty for elevane samtidig som det viser korleis smarthusteknologi kan brukast til å fremje berekraftige og energieffektive bustadar.
Og sist men ikkje minst, har vi i år også via næringshageprogrammet nytta over ein million kroner i direkte innovasjons- og utviklingsstøtte til bedrifter i Nordfjord. Dette er noko av det kjekkaste vi held på med, og er noko som bedriftene sett stor pris på.
Våre initiativ syner korleis Inviro på vårt vis bidreg til å legge til rette for lokal verdiskaping i Nordfjord-regionen.
Vi ser fram til vidare samarbeid med både gamle og nye samarbeidspartnarar i 2025.
Vi skal vertfall gjere det vi kan for å oppfylle vår visjon om å vere ein pådrivar for lokal verdiskaping gjennom kompetanse, møteplassar og samarbeid
God jul og eit riktig godt nytt år
Helsing alle i Inviro
